ತನುಶ್ರೀ ದತ್ತಾ #MeToo ಕೇಸ್​: ಡೈಸಿ ಶಾಗೆ ಸಮನ್ಸ್​..

ಮುಂಬೈ: ಬಾಲಿವುಡ್​ ನಟಿ ತನುಶ್ರೀ ದತ್ತಾರ ನಂತರ ದೇಶದಲ್ಲಿ MeToo ಅಭಿಯಾನ ಜೋರಾಗಿತ್ತು. ನಾನಾ ಪಾಟೇಕರ್​ ಮೇಲೆ ತನುಶ್ರೀ ಮಾಡಿದ್ದ ಲೈಂಗಿಕ ದೌರ್ಜನ್ಯ ಆರೋಪವು ಇಡೀ ಭಾರತೀಯ ಚಿತ್ರರಂಗದಲ್ಲಿ ಸಂಚಲನ ಮೂಡಿಸಿತ್ತು. ಅಲ್ಲದೇ ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ನಟಿ ಡೈಸಿ ಶಾಗೆ ಮುಂಬೈನ ಒಶಿವಿರಾ ಪೊಲೀಸರು ಸಮನ್ಸ್​ ನೀಡಿದ್ದಾರೆ. 2008ರಲ್ಲಿ ‘ಹಾರ್ನ್​ ಓಕೆ ಪ್ಲೀಸ್’​ ಚಿತ್ರದ ಶೂಟಿಂಗ್​ ವೇಳೆ ತನುಶ್ರೀ ದತ್ತಾ ತನ್ನ ಜೊತೆ ನಾನಾ ಪಾಟೇಕರ್​ ಅಸಭ್ಯವಾಗಿ ವರ್ತಿಸಿದ್ರು ಎಂದು ಆರೋಪ ಮಾಡಿದ್ದು, ಈ ಚಿತ್ರೀಕರಣದ ವೇಳೆ ಕೊರಿಯೋಗ್ರಾಫರ್​ ಗಣೇಶ್​ ಆಚಾರ್ಯ ಜೊತೆ ಅಸಿಸ್ಟೆಂಟ್​ ಕೊರಿಯೋಗ್ರಫರ್​ ಆಗಿ ಡೈಸಿ ಶಾ ಕೆಲಸ ಮಾಡಿದ್ದರು. ಅಲ್ಲದೆ ಘಟನೆ ನಡೆದ ವೇಳೆ ಡೈಸಿ ಶಾ ಅದೇ ಸೆಟ್​ನಲ್ಲಿ ಇದ್ದಿದ್ದರಿಂದ, ಅವರ ಹೇಳಿಕೆ ಪಡೆಯುವ ಸಲುವಾಗಿ ವಿಚಾರಣೆಗೆ ಹಾಜರಾಗುವಂತೆ ಸಮನ್ಸ್​ ನೀಡಲಾಗಿದೆ.