ಡಿಸೆಂಬರ್‌ 5ಕ್ಕೆ ಇಸ್ರೋದಿಂದ ಜಿಸ್ಯಾಟ್‌-11 ಲಾಂಚ್‌

ದೆಹಲಿ : ಭಾರತ ಅತಿ ಹೆಚ್ಚು ತೂಕದ ಜಿಸ್ಯಾಟ್‌-11 ಉಪಗ್ರಹವನ್ನು ಡಿಸೆಂಬರ್​ 5 ರಂದು ತಡರಾತ್ರಿ 2 ಗಂಟೆ 8 ಸೆಕೆಂಡ್‌ಗಳಿಗೆ ಫ್ರಾನ್ಸ್​ನ ಗಯಾನಾ ಬಾಹ್ಯಾಕಾಶ ಕೇಂದ್ರದಿಂದ ಉಡಾವಣೆಯಾಗಲಿದೆ ಎಂದು ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ -ಇಸ್ರೋ ಅಧ್ಯಕ್ಷ ಕೆ.ಶಿವನ್​ ತಿಳಿಸಿದ್ದಾರೆ. ನಿನ್ನೆಯಷ್ಟೇ 31 ಉಪಗ್ರಹಗಳನ್ನು ಹೊತ್ತ ಪಿಎಸ್‌ಎಲ್‌ವಿ ಸಿ-43 ಇಸ್ರೋ ನಭಕ್ಕೆ ಹಾರಿಸಿತ್ತು. ಇದ್ರ ಬೆನ್ನಲ್ಲೇ ಇದೀಗಾ ಹೆಚ್ಚು ತೂಕದ ಉಪಗ್ರಹಗಳ ಉಡಾವಣೆಗೆ ಮುಂದಾಗಿದೆ. ಜಿಸ್ಯಾಟ್‌-11 ಉಪಗ್ರಹ ಇಸ್ರೋದಿಂದ ನಿರ್ಮಿತವಾದ ಮೊಟ್ಟ ಮೊದಲ ವಿಶಾಲ ಹಾಗೂ ಅತಿ ಹೆಚ್ಚು ಭಾರದ ಸ್ವದೇಶಿ ನಿರ್ಮಿತ ಉಪಗ್ರಹ ಇದಾಗಿದೆ. ಒಟ್ಟು 5,854 ಕೆ.ಜಿ ತೂಕವಿದ್ದು, ಹಲವು ವಿಶೇಷತೆಗಳನ್ನು ಹೊಂದಿದೆ. ಇದರಿಂದ ಭೂಮಿಯ ವಿವಿಧ ರೀತಿಯ ಪೋಟೋಗಳನ್ನು ಪಡೆಯಬಹುದು. ಜಿಎಸ್​ಎಟಿ-11 ಉಪಗ್ರಹದಿಂದ ಇಂಟರ್​ನೆಟ್​ ಸ್ಪೀಡ್​ ಮತ್ತು ಬ್ರಾಡ್‌ಬಾಂಡ್‌ ಸ್ಪೀಡ್​ ಹೆಚ್ಚಿಸಲು ಸಹಕಾರಿಯಾಗಿದೆ. ಇದಾದ ಬಳಿಕ ಜಿಎಸ್‌ಎಲ್‌ವಿ ಮೂಲಕ ಜಿಸ್ಯಾಟ್‌-7ಎ ಉಪಗ್ರಹವನ್ನು ಉಡಾವಣೆ ಮಾಡಲಾಗುತ್ತಿದೆ. ಜೊತೆಗೆ ಮುಂದಿನ ವರ್ಷದಲ್ಲಿ ಮಿಷನ್‌ ಚಂದ್ರಯಾನ-2ವನ್ನು ನಭಕ್ಕೆ ಹಾರಿಸಲಿದ್ದು, ಗುಣಮಟ್ಟಕ್ಕೆ ಮೊದಲ ಆದ್ಯತೆ ನೀಡುತ್ತಿದ್ದೇವೆ ಎಂದು ಇಸ್ರೋ ಅಧ್ಯಕ್ಷ ಕೆ.ಶಿವನ್‌ ಹೇಳಿದ್ದಾರೆ.