ಕ್ರೈಂ ಡಿಟೆಕ್ಷನ್​ನಲ್ಲಿ ನಗರ ಪೊಲೀಸ್ ಆಯುಕ್ತ ಟಿ.ಸುನೀಲ್​ ಕುಮಾರ್​ ದಾಖಲೆ..

ಬೆಂಗಳೂರು: ಕ್ರೈಂ ಡಿಟೆಕ್ಷನ್​ನಲ್ಲಿ ನಗರ ಪೊಲೀಸ್ ಆಯುಕ್ತ ಟಿ.ಸುನೀಲ್​ ಕುಮಾರ್​ ದಾಖಲೆ ಬರೆದಿದ್ದಾರೆ. ದಾಖಲಾದ ಅಷ್ಟೂ ರೇಪ್ ಕೇಸ್​ಗಳನ್ನ ಸಾಲ್ವ್ ಮಾಡಿದ್ದಾರೆ. ಆ ಮೂಲಕ ಈ ಹಿಂದಿನ ಹಿಂದಿನ ಕಮೀಷನರ್​ಗಳನ್ನ ಹಿಂದಿಕ್ಕಿದ್ದಾರೆ. ಅಷ್ಟೇ ಅಲ್ಲದೇ ನವೆಂಬರ್ ಅಂತ್ಯದ ವರೆಗೂ ದಾಖಲಾದ ಬಹುತೇಕ ಎಲ್ಲಾ ಕೇಸ್​ಗಳನ್ನ ಕ್ಲಿಯರ್ ಮಾಡಿದ್ದಾರೆ ಎಂದು ತಿಳಿದು ಬಂದಿದೆ. ದಾಖಲಾದ 202 ಮರ್ಡರ್ ಕೇಸ್​ಗಳಲ್ಲಿ 194 ಕೇಸ್​ಗಳನ್ನ ಕ್ಲೀಯರ್ ಮಾಡಿದ್ದಾರೆ. ಇನ್ನು 636 ರಾಬರಿ ಪ್ರಕರಣದಲ್ಲಿ 411 ಪ್ರಕರಣ ಕ್ಲಿಯರ್ ಆಗಿವೆ. 249 ಸರಗಳ್ಳತನ ಪ್ರಕರಣ ವರದಿಯಾಗಿದ್ದು, ಅದ್ರಲ್ಲಿ 206 ಕೇಸ್ ಪತ್ತೆ ಮಾಡಲಾಗಿದೆ. ಇನ್ನು ವರ್ಷದಲ್ಲಿ 5023 ಮೋಟಾರ್ ವಾಹನ ಕಳುವಾಗಿದ್ದು, 1296 ವೈಕಲ್​ಗಳನ್ನ ಪತ್ತೆ ಮಾಡಿದ್ದಾರೆ. ಅಲ್ಲದೇ 2701 ಚೀಟಿಂಗ್ ಕೇಸ್ ದಾಖಲಾಗಿದ್ದು, 1015 ಕೇಸ್​ಗಳಲ್ಲಿ ಸಂತ್ರಸ್ತರಿಗೆ ನ್ಯಾಯ ಒದಗಿಸಲಾಗಿದೆ. ಇನ್ನೂ ಪೋಕ್ಸೋ ಕಾಯ್ದೆಯಡಿಯಲ್ಲಿ 337 ಮಂದಿಯನ್ನ ಜೈಲಿಗಟ್ಟಿದ್ದಾರೆ. ಒಟ್ಟಾರೆ ಅಂಕಿ ಅಂಶ ನೋಡುವುದಾದರೆ ಈ ಹಿಂದಿನ ಯಾವ ಕಮೀಷನರ್ ಅವಧಿಯಲ್ಲೂ ಆಗದಷ್ಟು ಹೆಚ್ಚಿನ ಕ್ರೈಂ ಡಿಟೆಕ್ಷನ್ ಟಿ. ಸುನೀಲ್​ ಕುಮಾರ್​ ಅವಧಿಯಲ್ಲಿ ಆಗಿದೆ.