ಅತಿ ವೇಗವಾಗಿ ಬೈಕ್ ಚಲಾವಣೆ: ಬಿದ್ದು ಗಾಯಗೊಂಡ ಸವಾರ

ಕುಂದಗೋಳ : ಅತಿ ವೇಗವಾಗಿ ಬೈಕ್ ಚಲಾಯಿಸಿಕೊಂಡು ಬಂದು ನಿಯಂತ್ರಿಸಲಾಗದೆ ಬಿದ್ದು ಗಾಯಗೊಂಡ ಬೈಕ್ ಸವಾರನೋರ್ವ ಬಗ್ಗೆ ಕುಂದಗೋಳ ಗ್ರಾಮೀಣ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ತಾಲೂಕಿನ ಕುಬಿಹಾಳ ಹಂಚಿನಾಳ ರಸ್ತೆ ಬಳಿ ಇರುವ ಸೇತುವೆ ಬಳಿ ಚೇತನ ಯಲ್ಲಪ್ಪ ನಿಂಬಣ್ಣನವರ (25) ಎಂಬಾತ ಬೈಕ್ ವೇಗವಾಗಿ ಚಲಾಯಿಸಿಕೊಂಡು ಬೈಕ್ ನಿಯಂತ್ರಣ ಮಾಡಲಾಗದೆ ತಾನು ಬಿದ್ದು ಮೈ ಕೈ ತಲೆ ಭಾಗದ ಕಡೆ ಗಾಯಗೊಂಡಿದ್ದಾನೆ.ಈ ವೇಳೆ ಬೈಕ್‌ ಜಖಂಗೊಂಡಿದೆ. ಕುಂದಗೋಳ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.