ಶ್ರೀನಗರ : ಭೀಕರ ಶೆಲ್ ದಾಳಿಯಲ್ಲಿ ಇಬ್ಬರು ಅಪ್ರಾಪ್ತ ಮಕ್ಕಳು ಸಾವು!!

ಜಮ್ಮು ಮತ್ತು ಕಾಶ್ಮೀರದ ಗಡಿ ಪಟ್ಟಣ ಪೂಂಚ್‌ನಲ್ಲಿ ಇತ್ತೀಚೆಗೆ ನಡೆದ ಭೀಕರ ಶೆಲ್ ದಾಳಿಯಲ್ಲಿ ಇಬ್ಬರು ಅಪ್ರಾಪ್ತ ಮಕ್ಕಳು ಸಾವನ್ನಪ್ಪಿದ್ದಾರೆ.ಈ ದುರಂತ ಘಟನೆಯ ಕುರಿತು ಪ್ರತಿಕ್ರಿಯಿಸಿರುವ ಮೃತರ ಚಿಕ್ಕಮ್ಮ ಶಹೀನ್ ಖಾನ್ ಅವರು, ದಿ ಕ್ವಿಂಟ್‌ಗೆ ನೀಡಿದ ತಮ್ಮ ಹೇಳಿಕೆಯಲ್ಲಿ, ಆಘಾತ ಮತ್ತು ದುಃಖವನ್ನು ವ್ಯಕ್ತಪಡಿಸಿದ್ದಾರೆ.ಈ ದಾಳಿಯಲ್ಲಿ ಕನಿಷ್ಠ 16 ಜನರು ಸಾವನ್ನಪ್ಪಿದ್ದಾರೆ. 57 ಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದಾರೆ. ಹಲವಾರು ಮನೆಗಳು, ಅಂಗಡಿಗಳು, ಧಾರ್ಮಿಕ ಸ್ಥಳಗಳು ಮತ್ತು ಸಾರ್ವಜನಿಕ ಆಸ್ತಿಪಾಸ್ತಿಗಳು ನಾಶವಾಗಿವೆ.”ಶೆಲ್ ದಾಳಿಯು ನಮ್ಮ ಇಡೀ ಸಮುದಾಯದ ನಗುವನ್ನು ಕಸಿದುಕೊಂಡಿದೆ,” ಎಂದು ಶಹೀನ್ ದಿ ಕ್ವಿಂಟ್‌ಗೆ ತಿಳಿಸಿದ್ದಾರೆ. ಅದು ನನ್ನ ಕುಟುಂಬವನ್ನು ಒಳಗಿಂದಲೇ ಮುರಿದು ಹಾಕಿದೆ ಎಂದು ಶಾಹೀನ್ ಹೇಳಿದ್ದಾರೆ.ಸ್ಥಳೀಯ ಆಡಳಿತವು ಪರಿಹಾರ ಮತ್ತು ಪುನರ್ನಿರ್ಮಾಣ ಸಹಾಯದ ಭರವಸೆ ನೀಡಿದೆ. “ಯಾವ ಪರಿಹಾರವು ನನ್ನ ಮಗುವನ್ನು ಮರಳಿ ತರಲು ಸಾಧ್ಯವೇ?” ಎಂದು ಶಹೀನ್ ಖಾನ್ ಪ್ರಶ್ನಿಸುತ್ತಾರೆ. “ಈ ಮಕ್ಕಳು ನೋಡಿದ ಭಯಾನಕತೆಯನ್ನು ಯಾವ ಭದ್ರತೆಯು ಅಳಿಸಿಹಾಕಲು ಸಾಧ್ಯ? ಎಂದು ಅವರು ಪ್ರಶ್ನಿಸಿದ್ದಾರೆ.