ಒಂದೇ ಹುಡುಗಿಗೆ 6 ಬಾಯ್‌ಫ್ರೆಂಡ್‌ ; ಢಾಕಾದಲ್ಲಿ ಬಯಲಾಯ್ತು ಸೀಕ್ರೆಟ್ ಡೇಟಿಂಗ್!

ಒಂದೇ ಸಮಯದಲ್ಲಿ ಆರು ಮಂದಿಗೆ ಮೋಸ ಮಾಡುತ್ತಿದ್ದ ಈ ಯುವತಿಯ ವಿಡಿಯೋ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕವಾಗಿ ಹರಿದಾಡುತ್ತಿದೆ. ಇದು ಆಧುನಿಕ ಪ್ರೀತಿ-ಪ್ರೇಮ, ಸಂಬಂಧಗಳಲ್ಲಿನ ನಂಬಿಕೆ ಮತ್ತು ಮೋಸದ ಬಗ್ಗೆ ತೀವ್ರ ಚರ್ಚೆಗೆ ಗ್ರಾಸವಾಗಿದೆ. ಈ ಘಟನೆ ನಿಜವಾಗಿಯೂ ಆಧುನಿಕ ಡೇಟಿಂಗ್ ಜಗತ್ತಿನ ವಿಚಿತ್ರ ತಿರುವುಗಳನ್ನು ಎತ್ತಿ ತೋರಿಸಿದೆ.ಯುವತಿ ಒಂದೇ ಸಮಯದಲ್ಲಿ ಆರು ಯುವಕರೊಂದಿಗೆ ಡೇಟಿಂಗ್ ಮಾಡುತ್ತಿದ್ದಳು. ಆದರೆ, ಅವರಲ್ಲಿ ಒಬ್ಬನಿಗೆ ಈ ಸತ್ಯ ತಿಳಿದುಬಂದಿದೆ. ಆತ ತನ್ನ ‘ಪ್ರೇಯಸಿ’ಯಿಗೆ ಪಾಠ ಕಲಿಸಲು ನಿರ್ಧರಿಸಿದ್ದಾನೆ. ಎಲ್ಲ ಐವರು ಪ್ರಿಯಕರರನ್ನು ಒಂದೇ ಜಾಗಕ್ಕೆ, ಅಂದರೆ ಒಂದು ಕೆಫೆಗೆ ಆಹ್ವಾನಿಸಿದ್ದಾನೆ.ಸತ್ಯ ಬಯಲಾದ ಕೂಡಲೇ ಯುವತಿಯ ಮುಖ ಕೆಂಪಾಗಿದ್ದು, ಆಕೆ ದಿಗ್ಭ್ರಮೆಗೊಂಡಿದ್ದಾಳೆ.