ಸ್ಮೃತಿ-ಪಲಾಶ್ ವಿವಾಹ ವದಂತಿ: ಸೋಶಿಯಲ್ ಮೀಡಿಯಾದಲ್ಲಿ ಮತ್ತೆ ಹೊಸ ಚರ್ಚೆ!

ವಿವಾದಗಳ ನಡುವೆ ಇಬ್ಬರೂ ತಮ್ಮ ಬಯೋದಲ್ಲಿ ‘ಎವಿಲ್ ಐ ಎಮೋಜಿ ಬಳಸಿರುವುದು ನಾನಾ ರೀತಿಯ ಊಹಾಪೋಹಗಳಿಗೆ ಕಾರಣವಾಗಿದೆ.ನವೆಂಬರ್ 23, 2025ಕ್ಕೆ ಇವರ ವಿವಾಹ ನಿಗದಿಯಾಗಿತ್ತು. ಆದರೆ ಅದೇ ದಿನ ಸ್ಮೃತಿಯ ತಂದೆಗೆ ಅಸ್ವಸ್ಥತೆ ಕಾಣಿಸಿಕೊಂಡಿದ್ದರಿಂದ ತೀವ್ರವಾಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂಬ ಮಾಹಿತಿ ಹೊರಬಂದಿತ್ತು. ಈ ಕಾರಣದಿಂದ ಮದುವೆ ಮುಂದೂಡಲಾಗಿದೆ ಎಂದು ಹೇಳಲಾಗಿತ್ತು. ಆದರೆ ನಂತರ ಸಾಮಾಜಿಕ ಜಾಲತಾಣಗಳಲ್ಲಿ ಬೇರೆ ರೀತಿಯ ಆರೋಪಗಳು ಹರಿದಾಡತೊಡಗಿದವು. ಕೆಲವು ಬಳಕೆದಾರರು ಪಲಾಶ್ ಅವರು ಮದುವೆಗೆ ಮುನ್ನ ನೃತ್ಯ ಸಂಯೋಜಕಿಯೊಂದಿಗೆ ಚೀಟ್ ಮಾಡಿದ್ದರು ಎನ್ನಲಾಗುವ ಪೋಸ್ಟ್‌ಗಳನ್ನು ಹಂಚಿಕೊಂಡಿದ್ದು, ಇದರಿಂದ ವಿವಾದ ಇನ್ನಷ್ಟು ಉಲ್ಬಣವಾಯಿತು.