ಕೊಲೆ: ಮುಸ್ಲಿಮ್‌ ಹೆಸರು ಬದಲಿಸಿಕೊಂಡಿದ್ದ ವ್ಯಕ್ತಿ 31 ವರ್ಷ ಬಳಿಕ ಬಂಧನ

ಲಕ್ನೋ: ಸಲೀಮ್‌ ವಾಸ್ತಿಕ್‌ ಎಂಬ ಯೂಟ್ಯೂಬರ್‌ನನ್ನು 1995ರ ಹತ್ಯೆಯೊಂದರ ಸಂಬಂಧ ಈಗ ಬಂಧಿಸಲಾಗಿದೆ. ಸಲೀಮ್‌ ಖಾನ್‌ ಎಂಬ ಹೆಸರಿದ್ದ ಈತ ಈ ಹತ್ಯೆಯ ಬಳಿಕ ಸಲೀಮ್‌ ವಾಸ್ತಿಕ್‌ ಎಂದು ಹೆಸರು ಬದಲಿಸಿಕೊಂಡಿದ್ದು, ಇದೀಗ ಮಾಜಿ ಮುಸ್ಲಿಂ ಎಂದೇ ಖ್ಯಾತಿ ಪಡೆದಿದ್ದ ಎನ್ನಲಾಗಿದೆ.31 ವರ್ಷಗಳ ಹಿಂದೆ ಉದ್ಯಮಿಯೊಬ್ಬರ 13 ವರ್ಷ ವಯಸ್ಸಿನ ಮಗನನ್ನು ಈತ ಕೊಲೆ ಮಾಡಿದ್ದ. ಅಪಹರಣ, ಸುಲಿಗೆ ಹಾಗೂ ಕೊಲೆ ಆರೋಪದಡಿ ಈತನಿಗೆ 1997ರಲ್ಲಿ ಜೀವಾವಧಿ ಶಿಕ್ಷೆ ವಿಧಿಸಲಾಗಿತ್ತು. ಆದರೆ ಮೇಲ್ಮನವಿ ಮೂಲಕ ಮಧ್ಯಂತರ ಜಾಮೀನು ಪಡೆದಿದ್ದ ಸಲೀಮ್‌ ಜೈಲಿಂದ ಹೊರಬಂದು ಬಳಿಕ ನಾಪತ್ತೆಯಾಗಿದ್ದ. ಇದೀಗ ಈತನನ್ನು ಬಂಧಿಸಲಾಗಿದೆ.