ಮರಳು ಅಕ್ರಮ ದಾಸ್ತಾನು ಪತ್ತೆ; ಪ್ರಕರಣ ದಾಖಲು

ವೇಣೂರು: ಆರಂಬೋಡಿ ನಿಡ್ಯಾಲಬೆಟ್ಟು ಪ್ರದೇಶದಲ್ಲಿ ಮರಳು ಅಕ್ರಮವಾಗಿ ದಾಸ್ತಾನು ಮಾಡಿಟ್ಟಿರುವ ಬಗ್ಗೆ ಖಚಿತ ಮಾಹಿತಿ ಮೇರೆಗೆ ವೇಣೂರು ಪೊಲೀಸರು ದಾಳಿ ನಡೆಸಿ ಸುಮಾರು 12 ಟಿಪ್ಪರ್ ಲೋಡ್ ಮರಳನ್ನು ವಶಪಡಿಸಿಕೊಂಡಿದ್ದಾರೆ. ದಿನೇಶ್ ಕುಲಾಲ್ ಅವರು ಕಳೆದ 2-3 ದಿನಗಳಿಂದ ಪಲ್ಗುಣಿ ನದಿಯಿಂದ ಮರಳು ಅಕ್ರಮವಾಗಿ ಸಾಗಿಸಿ ಸುಂದರ ಪೂಜಾರಿ ಅವರ ಖಾಲಿ ಜಾಗದಲ್ಲಿ ಸಂಗ್ರಹಿಸಿದ್ದು, ಮಾರಾಟ ಮಾಡಿ ಹಣ ಗಳಿಸುವ ಉದ್ದೇಶ ಹೊಂದಿದ್ದರು ಎನ್ನಲಾಗಿದೆ. ವೇಣೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.