ಧರೆಗೆ ವರುಣನ ಸಿಂಚನ

ಆನೇಕಲ್: ತಾಲ್ಲೂಕಿನಾದ್ಯಂತ ತುಂತುರು ಮಳೆ ಆರಂಭವಾಗಿದ್ದು, ವರುಣ ತನ್ನ ಕೃಪೆಯನ್ನು ಬೀರಿದ್ದಾನೆ. ತಾಲೂಕಿನಾದ್ಯಂತ ಬೆಳಗಿನಿಂದಲೂ ಮೋಡ ಕವಿದ ವಾತಾವರಣದ ನಡುವೆ ಮಳೆರಾಯನ ಆಗಮನ ಗ್ರಾಮಸ್ಥರಲ್ಲಿ ಸಂತಸವನ್ನು ಉಂಟು ಮಾಡಿದೆ.
ತಾಲೂಕಿನ ಆನೇಕಲ್,ಅತ್ತಿಬೆಲೆ, ಸರ್ಜಾಪುರ,ಸೇರಿದಂತೆ ಚಂದಾಪುರ ಬೊಮ್ಮಸಂದ್ರ ಹಲವು ಕಡೆ ತುಂತುರು ಮಳೆ ಸುರಿದಿದೆ.‌
ಮಳೆಯಿಂದ ವಾಹನ ಸವಾರರು ಹಾಗೂ ಪಾದಚಾರಿಗಳ ಪರದಾಟ ಪಡುವಂತಾಗಿದ್ದು, ವಾಹನ ಸವಾರರು ಮಳೆಯಿಂದ ರಕ್ಷಣೆ ಪಡೆಯಲು ಅಂಗಡಿ ಮುಂಗಟ್ಟುಗಳ ಬಳಿ ಆಶ್ರಯ ಪಡೆದ ಚಿತ್ರಣ ಕಂಡು ಬಂದಿತು.