ಲವ್​ ಫೇಲ್ಯೂರ್​ನಿಂದ​ ಆಗಿರೋ ಕೋಪವನ್ನು ಇದು ಕಡಿಮೆ ಮಾಡುತ್ತೆ!

ಲಂಡನ್​​: ವ್ಯಾಲೆಂಟೈನ್ಸ್ ಡೇ ಬಂತೆಂದ್ರೆ ಪ್ರೇಮಿಗಳಿಗೆ ದೊಡ್ಡ ಹಬ್ಬದಷ್ಟೇ ಸಂಭ್ರಮ. ಅಂದು ತಮ್ಮ ಪ್ರೀತಿಯನ್ನು ಮೊದಲ ಬಾರಿಗೆ ನಿವೇದನೆ ಮಾಡಿಕೊಳ್ಳುವ ಹುಡುಗ-ಹುಡುಗಿಯರು ಪ್ರೊಪೋಸಲ್​​ ಸಕ್ಸಸ್​​ ಆದ್ರೆ ಅಂತೂ ಸ್ವರ್ಗವೇ ಕೈಗೆ ಸಿಕ್ಕಿದಷ್ಟು ಖುಷಿಯಲ್ಲಿರುತ್ತಾರೆ. ಆದ್ರೆ ಈ ಸಂತೋಷಗಳೆಲ್ಲದರ ಮಧ್ಯೆ ಕೆಲ ದೇವದಾಸ್​​ ಪ್ರೇಮಿಗಳು ಸಹ ಇರ್ತಾರೆ. ತಮ್ಮನ್ನು ಬಿಟ್ಟು ಹೋದ ಅಥವಾ ಮೋಸ ಮಾಡಿ ಕೈಕೊಟ್ಟು ಹೋದ ಗೆಳೆಯ-ಗೆಳತಿಯರ ನೆನಪಿನಲ್ಲಿ ಎಣ್ಣೆ ಹೊಡೆಯುತ್ತಾ ಫ್ಯಾಥೋ ಸಾಂಗ್​ವೊಂದನ್ನ​ ಕೇಳುತ್ತಾ ವ್ಯಾಲೆಂಟೈನ್ಸ್ ಡೇ ಸೆಲೆಬ್ರೇಟ್​ ಮಾಡ್ತಾರೆ. ಇಂಥವರಿಗೆ ಅಂತಾನೆ ಲಂಡನ್​ನ ಝೂ ಒಂದು ವಿಶೇಷ ಅವಕಾಶ ನೀಡಿದೆ.ಬಿಟ್ಟು ಹೋದ ಅಥವಾ ಪ್ರೀತಿ ನಿರಾಕರಿಸಿದ ಪ್ರೇಮಿಯ ನೆನಪಲ್ಲಿ ಕೂರುವ ಬದಲು ಅದಕ್ಕೊಂದು ಸ್ವೀಟ್​ ರಿವೆಂಜ್​ ತೆಗೆದುಕೊಳ್ಳುವ ಅವಕಾಶವನ್ನ ಈ ಝೂ ದೇವದಾಸ್​​​ ಪ್ರೇಮಿಗಳಿಗೆ ನೀಡ್ತಿದೆ. ಈ ಝೂನಲ್ಲಿ ಪ್ರೀತಿಯಲ್ಲಿ ಮೋಸ ಹೋದವರು ತಮ್ಮ ಎಕ್ಸ್​​ ಗರ್ಲ್​ಫೆಂಡ್​ ಅಥವಾ ಬಾಯ್​ಫ್ರೆಂಡ್​ಗಳ ಹೆಸರನ್ನ ಅಲ್ಲಿರುವ ಜಿರಳೆಗಳಿಗೆ ನಾಮಕರಣ ಮಾಡುವ ಮೂಲಕ ಪ್ರೀತಿಯಲ್ಲಿ ತಮಗಾದ ಕಹಿ ನೆನಪನ್ನ ಮರೆಯಬಹುದಂತೆ. ಇನ್ನು ಜಿರಳೆಗಳಿಗೆ ನಾಮಕರಣಮಾಡುವುದಕ್ಕಾಗಿ ಝೂ 1.50 ಪೌಂಡ್​ ಅಂದ್ರೆ ಭಾರತೀಯ ಕರೆನ್ಸಿ ಪ್ರಕಾರ ₹140 ರೂಪಾಯಿ ದರ ನಿಗದಿಪಡಿಸಿದೆ. ದೇವದಾಸ್​ ಪ್ರೇಮಿಗಳು ಈ ಮೂಲಕ ಮೋಸ ಮಾಡಿ ಹೋದವರ ಹೆಸರನ್ನ ಜಿರಳೆಗಳಿಗೆ ಇಟ್ಟು ಕೊಂಚ ಸಮಾಧಾನ ಪಟ್ಟುಕೊಳ್ಳಬಹುದಂತೆ. ಆದ್ರೆ ಇದು ಎಷ್ಟು ಸಕ್ಸಸ್‌ ಆಗುತ್ತೆ ಅಂತಾ ಕಾದು ನೋಡಬೇಕಿದೆ.