ಭೀಮಾತೀರದಲ್ಲಿ ಶಾಂತಿ‌ ಕಾಪಾಡಲು ಎಸ್ಪಿ ಕಠಿಣ ಕ್ರಮ

ವಿಜಯಪುರ : ವಿಜಯಪುರ ಜಿಲ್ಲೆಯಲ್ಲಿ ಕಾನೂನು ಸುವ್ಯವಸ್ಥೆ ಕಾಪಾಡೋದೆ ಒಂದು ರೀತಿಯ ಹರಸಾಹಸವಾಗಿದೆ. ಅಪರಾಧ ಚಟುವಟಿಕೆಗಳಿಂದಲೇ ಕುಖ್ಯಾತಿ ಪಡೆದಿರುವ ಭೀಮಾತೀರದಲ್ಲಿ ಅಪರಾಧ ಕೃತ್ಯಗಳಿಕೆ ಕೊಕ್ಕೆ ಹಾಕೋದು ಅಂದ್ರೆ ಅದೊಂದು ಸವಾಲೇ ಇದ್ದಂತೆ. ಈ ನಿಟ್ಟಿನಲ್ಲಿ ಭೀಮಾತೀರದ ಭಾಗದಲ್ಲಿ ಕಾನೂನು ಸುವ್ಯವಸ್ಥೆ ಕಾಪಾಡಲು ವಿಜಯಪುರ ಎಸ್ಪಿ ಹೆಚ್‌ ಡಿ ಆನಂದಕುಮಾರ್‌ ಕಠಿಣ ಕ್ರಮಗಳನ್ನ ಕೈಗೊಳ್ತಿದ್ದಾರೆ.

ಇಂದು(ಶನಿವಾರ) ಕೂಡ ವಿಜಯಪುರ ನಗರದ ಚಿಂತನ ಹಾಲ್‌ ಗ್ರೌಂಡ್‌ ನಲ್ಲಿ ವಿಜಯಪುರ ನಗರದ ಗಾಂಧೀ ಚೌಕ ಸರ್ಕಲ್‌, ಗೋಳಗುಮ್ಮಟ ಸರ್ಕಲ್‌, ಗ್ರಾಮೀಣ ವೃತ್ತ ವ್ಯಾಪ್ತಿಯ ರೌಡಿಗಳ ಪರೇಡ್‌ ನಡೆಸಿ ಖಡಕ್‌ ವಾರ್ನಿಂಗ್‌ ನೀಡಿದ್ದಾರೆ. ಅಲ್ಲದೇ ನೀವೇನು ಫೈರಿಂಗ್ ಮಾಡೋದು ನಾವೇ ಮಾಡ್ತೀವಿ ಎಂದು ಎಚ್ಚರಿಕೆ ನೀಡಿದರು.