ವಕ್ಸ್ ಬೋರ್ಡ್ ವಿರುದ್ಧವೇ ಮುಸ್ಲಿಂ ಜನರೂ ಹೋರಾಟಕ್ಕೆ ಸಜ್ಜು

ಧಾರವಾಡ: ಮುಸ್ಲಿಂ ಸಮುದಾಯಕ್ಕಾಗಿಯೇ ಇರುವ ವಕ್ಸ್ ಬೋರ್ಡ್ ಉದ್ದೇಶಪೂರ್ವಕವಾಗಿಯೇ ಸಾಮಾನ್ಯ ಜನರ ಆಸ್ತಿ ಕಬಳಿಸುವ ಹುನ್ನಾರ ಮಾಡುತ್ತಿದೆ ಎಂಬ ಆರೋಪ ಕೇಳಿ ಬಂದಿದೆ. ಆದರೆ, ಇದೇ ವಕ್ಸ್ ಬೋರ್ಡ್ ಇದೀಗ ಮುಸ್ಲಿಂ ಸಮುದಾಯದವರ ಪಹಣಿ ಪತ್ರಿಕೆಯಲ್ಲೂ ಸದರಿ ಆಸ್ತಿ ವಕ್ಸ್ ಆಸ್ತಿಗೆ ಒಳಪಟ್ಟಿದೆ ಎಂದು ನಮೂದು ಮಾಡಿದ್ದು, ತಮ್ಮ ವಕ್ಸ್ ಬೋರ್ಡ್ ವಿರುದ್ಧವೇ ಮುಸ್ಲಿಂ ಜನರೂ ಹೋರಾಟ ನಡೆಸಲು ಮುಂದಾಗಿದ್ದಾರೆ.

ಧಾರವಾಡ ಜಿಲ್ಲೆಯಲ್ಲಿರುವ ಅಂದಾಜು 1500 ಮುಲ್ಲಾ, ಮುಜಾವ‌ರ್, ಮಕಾನದಾರ ಎಂಬುವವರ ಕುಟುಂಬಸ್ಥರ ಪಹಣಿ ಪತ್ರಿಕೆಯ ಕಲಂ ನಂಬರ್ 9ರಲ್ಲಿ ಸದರಿ ಆಸ್ತಿ ವಕ್ಸ್ ಆಸ್ತಿ ಎಂದು ನಮೂದಾಗಿದ್ದರಿಂದ ಇದೀಗ ಈ ಕುಟುಂಬಸ್ಥರು ವಕ್ಸ್ ಬೋರ್ಡ್ ವಿರುದ್ಧವೇ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.