ಸಿನಿಮಾದಲ್ಲಿ ಅವಕಾಶ ನೀಡಲು ಬಾಲಕಿಯ ನಗ್ನ ಭಾವಚಿತ್ರ ಕೇಳಿದ ಯುವಕನ ಬಂಧನ

ಸಿನಿಮಾದಲ್ಲಿ ಅವಕಾಶ ಕಲ್ಪಿಸುವುದಾಗಿ ತಿಳಿಸಿ ಬಾಲಕಿಯ ನಗ್ನ ಭಾವಚಿತ್ರಗಳನ್ನು ಕೇಳಿದ ಕಾಸರಗೋಡು ಕಾಟಿಪಳ್ಳದ ಶಿಬಿನ್‌ (29) ಎಂಬಾತನನ್ನು ಕಲ್ಲಿಕೋಟೆ ಬೇಪೂರು ಪೊಲೀಸರು ಬಂಧಿಸಿದ್ದಾರೆ. ಬೇಪೂರು ನಿವಾಸಿಯಾದ 10ನೇ ತರಗತಿ ವಿದ್ಯಾರ್ಥಿನಿಗೆ ತಾನು ಸಿನಿಮಾ ನಿರ್ದೇಶಕನೆಂದೂ, ಸಿನಿಮಾದಲ್ಲಿ ಅಭಿನಯಿಸಲು ಅವಕಾಶವೊದಗಿಸುವುದಾಗಿಯೂ ಅದಕ್ಕಾಗಿ ಆಕೆಯ ನಗ್ನ ಚಿತ್ರಗಳನ್ನು ನೀಡುವಂತೆ ತಿಳಿಸಿ ಬಾಲಕಿಗೆ ಫೋನ್‌ ಕರೆ ಮಾಡಿದ್ದಲ್ಲದೆ ವಾಟ್ಸ್‌ಆಯಪ್‌ ಮೂಲಕ ಸಂದೇಶ ಕಳುಹಿಸಿದ್ದನೆಂದು ಪೊಲೀಸರಿಗೆ ದೂರು ನೀಡಲಾಗಿತ್ತು.ಪೊಲೀಸರು ಸೈಬರ್‌ ವಿಭಾಗದ ನೆರವಿನೊಂದಿಗೆ ಶಿಬಿನ್‌ನನ್ನು ಬಂಧಿಸಿದ್ದಾರೆ.