ಉಡುಪಿ : ಲಾರಿ – ಕಾರು ಢಿಕ್ಕಿ: ನಾಲ್ವರಿಗೆ ಗಾಯ

ಲಾರಿ ಹಾಗೂ ಕಾರಿನ ನಡುವೆ ಢಿಕ್ಕಿ ಸಂಭವಿಸಿ ನಾಲ್ವರು ಗಾಯಗೊಂಡ ಘಟನೆ ಸಂಭವಿಸಿದೆ.ಕಲ್ಯಾಣಪುರದ ವರುಣ್ ಕುಮಾರ್ ಅವರು ಕಾರಿನಲ್ಲಿ ಅತ್ತೆ ಜಯಂತಿ ಬಲ್ಲಾಳ್ (72) ಮಕ್ಕಳಾದ ತೇಜಸ್ (12) ದೀಕ್ಷಾ (7) ಅವರನ್ನು ಸಹ ಪ್ರಯಾಣಿಕರನ್ನಾಗಿ ಕುಳ್ಳಿರಿಸಿಕೊಂಡು ಮಣಿಪಾಲ ಕಡೆಗೆ ತಿರುಗಿಸಲು ನಿಂತಿದ್ದು, ಈ ವೇಳೆ ಕಾರಿನ ಬಲಭಾಗಕ್ಕೆ ಲಾರಿ ಢಿಕ್ಕಿ ಹೊಡೆದಿದೆ. ಪರಿಣಾಮ ಕಾರಿನಲ್ಲಿದ್ದಎಲ್ಲರಿಗೂ ಗಾಯವಾಗಿದೆ. ಗಾಯಾಳುಗಳನ್ನು ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಸಂಚಾರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.