ಬೆಂಗಳೂರಲ್ಲಿ ‘ಫ್ಲೈ ಓವರ್’ ಮೇಲೆ ಪಟಾಕಿ ಹಚ್ಚಿ ಜನರ ಮೇಲೆ ಎಸೆದು ಹುಚ್ಚಾಟ ಮೆರೆದ ಕಿಡಿಗೇಡಿಗಳು.!

ಕಿಡಿಗೇಡಿಗಳು ಫ್ಲೈ ಓವರ್ ಮೇಲೆ ಪಟಾಕಿ ಹಚ್ಚಿ ಜನರ ಮೇಲೆ ಎಸೆದು ಹುಚ್ಚಾಟ ಮೆರೆದ ಘಟನೆ ನಿನ್ನೆ ರಾತ್ರಿ ಬೆಂಗಳೂರಿನಲ್ಲಿ ನಡೆದಿದೆ.ಬೆಂಗಳೂರಿನ ರಾಗಿಗುಡ್ಡದಲ್ಲಿ ನಿನ್ನೆ ರಾತ್ರಿ ಈ ಘಟನೆ ನಡೆದಿದ್ದು, ಕಿಡಿಗೇಡಿಗಳ ಹುಚ್ಚಾಟ ಮೊಬೈಲ್ ನಲ್ಲಿ ಸೆರೆಯಾಗಿದ್ದು, ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.ನಾಲ್ಕು-ಐದು ಮಂದಿ ಯುವಕ-ಯುವತಿಯರಿದ್ದ ಗ್ಯಾಂಗ್ ಫ್ಲೈ ಓವರ್ ಮೇಲೆ ನಿಂತುಕೊಂಡು ಪಟಾಕಿ ಹಚ್ಚಿ ಕೆಳಗೆ ನಿಂತಿದ್ದ ಜನರ ಮೇಲೆ ಎಸೆದಿದ್ದಾರೆ. ರಾಗಿಗುಡ್ಡ -ಸಿಲ್ಕ್ ಬೋರ್ಡ್ ಮಾರ್ಗದ ಫ್ಲೈ ಓವರ್ ಮೇಲೆ ಈ ಘಟನೆ ನಡೆದಿದೆ. ವಿಡಿಯೋ ಆಧರಿಸಿ ಮಾಹಿತಿ ಕಲೆ ಹಾಕುತ್ತಿರುವ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ. ಯುವಕರ ಅವಿವೇಕಿತನ ದೊಡ್ಡ ಅವಘಡಕ್ಕೆ ಕಾರಣವಾಗಿತ್ತು, ಅದೃಷ್ಟವಶಾತ್ ಯಾವುದೇ ಅಪಾಯ ಸಂಭವಿಸಿಲ್ಲ. ಬೈಕ್ ನಲ್ಲಿ ಬಂದ ಯುವಕ-ಯುವತಿಯರ ಗ್ಯಾಂಗ್ ಪಟಾಕಿ ಬಾಕ್ಸ್ ಗಳನ್ನು ತಂದಿದ್ದರು. ವೈರಲ್ ಆದ ವಿಡಿಯೋದ ಬಗ್ಗೆ ತನಿಖೆ ನಡೆಸುತ್ತಿರುವ ಪೊಲೀಸರು ಆರೋಪಿಗಳ ಬಂಧನಕ್ಕೆ ತಲೆ ಬೀಸಿದ್ದಾರೆ.