ಒಡಿಶಾ ಮೂಲದ ಯುವಕ ನಾಪತ್ತೆ

ಮಂಗಳೂರು: ಕೇರಳದ ಕುಂಬಳೆಯಿಂದ ಮಂಗಳೂರಿನ ಲಾಲ್ ಬಾಗ್ ಗೆ ಮೊಬೈಲ್ ಖರೀದಿಗಾಗಿ ಬಂದಿದ್ದ ಒಡಿಶಾ ಮೂಲದ ಚಂದನ್ ಮಾಝಿ (19) ನಾಪತ್ತೆಯಾಗಿದ್ದಾರೆ. ಅವರು ಕುಂಬಳೆ ಆನಂದಪುರಂ ಎಂಬಲ್ಲಿ ಫ್ಲೈವುಡ್ ಕೆಲಸ ಮಾಡಿಕೊಂಡಿದ್ದರು. 2025ರ ಆ.24ರಂದು ಮೊಬೈಲ್ ಖರೀದಿಗಾಗಿ ಮಂಗಳೂರಿಗೆ ಬಂದಿದ್ದರು. ಊರಿನಿಂದ ಆತನನ್ನು ಕರೆದುಕೊಂಡು ಬಂದಿದ್ದ ಭರತ್ ಚಂದ್ರ ಬೆಹರ್ ಅವರು ಮಂಗಳೂರಿಗೆ ಬಂದು ಎಲ್ಲ ಕಡೆ ಹುಡುಕಾಡಿದ್ದು, ಎಲ್ಲಿಯೂ ಪತ್ತೆಯಾಗಿಲ್ಲ. ಈ ಬಗ್ಗೆ ಆತನ ತಂದೆ ಬಿದ್ಯಾಧರ್ ಮಾಝಿಗೆ ಮಾಹಿತಿ ನೀಡಿದ್ದು, ಅವರು ಮನೆಗೆ ಬರಬಹುದು ಎಂದು ಕಾದಿದ್ದಾರೆ. ಆದರೆ ಇಲ್ಲಿವರೆಗೆ ಮನೆಗೂ ಬಾರದೆ ನಾಪತ್ತೆಯಾಗಿದ್ದಾರೆ. ಬರ್ಕೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಸುಮಾರು 5.2 ಅಡಿ ಎತ್ತರ, ಕೋಲು ಮುಖ, ಗೋಧಿ ಮೈ ಬಣ್ಣ, ಸದೃಢ ಶರೀರ ಹೊಂದಿ, ಹಿಂದಿ ಹಾಗೂ ಒರಿಯಾ ಭಾಷೆ ತಿಳಿದಿದೆ.