ಚಿಕ್ಕಬಳ್ಳಾಪುರದಲ್ಲಿ ಕಲ್ಲಿನಿಂದ ತಲೆ ಜಜ್ಜಿ ಯುವಕನ ಕೊಲೆ

ಚಿಕ್ಕಬಳ್ಳಾಪುರ: ಇಲ್ಲಿನ ಶಾಂತಿ ನಗರದ ಬಳಿ ಕಲ್ಲಿನಿಂದ ತಲೆ ಜಜ್ಜಿ ಇಸ್ಮಾಯಿಲ್ ಪಾಷ (27) ಎಂಬುವವರನ್ನು ದುಷ್ಕರ್ಮಿಗಳು ಗುರುವಾರ ನಡುರಾತ್ರಿ ಹತ್ಯೆ ಮಾಡಿದ್ದಾರೆ. ನಗರದ 9ನೇ ವಾರ್ಡ್‌ನ ಗಂಗಮ್ಮನ ಗುಡಿ ನಿವಾಸಿ ಇಸ್ಮಾಯಿಲ್ ಪಾಷ ಬಣ್ಣ ಬಳಿಯುವ ಕೆಲಸ ಮಾಡುತ್ತಿದ್ದರು.ಕೊಲೆಗೆ ಕಾರಣ ತಿಳಿದು ಬಂದಿಲ್ಲ. ಗುರುವಾರ ರಾತ್ರಿ 9 ಗಂಟೆಗೆ ಮನೆಯಿಂದ ಹೊರ ಹೋಗಿದ್ದರು. ರಾತ್ರಿ 10ರಿಂದ 11ರ ವೇಳೆಗೆ ಮನೆಗೆ ವಾಪಸ್ ಆಗುತ್ತಿದ್ದರು. ನಡು ರಾತ್ರಿ ಪೊಲೀಸರು ಕರೆ ಮಾಡಿ ಹತ್ಯೆ ವಿಚಾರ ತಿಳಿಸಿದರು. ಯಾವ ಕಾರಣದಿಂದ ಹತ್ಯೆ ನಡೆದಿದೆ ಎನ್ನುವುದು ತಿಳಿದಿಲ್ಲ ಎಂದು ಕುಟುಂಬ ಸದಸ್ಯರು ತಿಳಿಸಿದ್ದಾರೆ.ಸ್ಥಳಕ್ಕೆ ನಗರ ಠಾಣೆ ಪೊಲೀಸರ ಭೇಟಿ ನೀಡಿದ್ದಾರೆ.