ಮೋದಿಗೆ ಸ್ವಚ್ಛ ಭಾರತ್ ಒಂದು ಟೊಳ್ಳು ಘೋಷಣೆಯಷ್ಟೇ: ರಾಹುಲ್..

ದೆಹಲಿ: ಮೋದಿ ವಿರುದ್ಧ ಎಐಸಿಸಿ ಅಧ್ಯಕ್ಷ ರಾಹುಲ್​ಗಾಂಧಿ ವಾಗ್ದಾಳಿ ಮುಂದುವರಿಸಿದ್ದು, ಪ್ರಧಾನಿ ಮೋದಿಗೆ ಸ್ವಚ್ಛ ಭಾರತ್​ ಅನ್ನೋದು ಕೇವಲ ಒಂದು ಟೊಳ್ಳು ಘೋಷಣೆಯಷ್ಟೇ. ಅವ್ರು ಈಗಲೂ ಮ್ಯಾನ್​ಹೋಲ್​ಗಳಿಗೆ ಮನುಷ್ಯರನ್ನ ಇಳಿಸ್ತಿರೋ ಬಗ್ಗೆ ಜಾಣ ಕುರುಡು ಪ್ರದರ್ಶಿಸುತ್ತಿದ್ದಾರೆ ಅಂತ ಕಿಡಿಕಾರಿದ್ದಾರೆ.

ದೆಹಲಿಯ ದ್ವಾರಕಾ ದಬ್ರಿ ಏರಿಯಾದ ಕಟ್ಟಡದಲ್ಲಿ ಪೌರಕಾರ್ಮಿಕ ಅನಿಲ್​ ಮ್ಯಾನ್​ಹೋಲ್​ನಲ್ಲಿ ಕೆಲಸ ಮಾಡುವಾಗ ಸಾವನ್ನಪ್ಪಿದ ಕೇಸ್​ ಸುದ್ದಿಯಾಗಿತ್ತು. ಆದರೆ ನಮ್ಮ ಪ್ರಧಾನಿ ಸ್ವಚ್ಛಭಾರತ್​ ನ್ನ ಕೇವಲ ಘೋಷಣೆಯಾಗಿ ಅಷ್ಟೇ ಬಳಸುತ್ತಿದ್ದಾರೆ. ಮ್ಯಾನ್​ಹೋಲ್​, ಶೌಚಾಲಯ ಸ್ವಚ್ಛ ಮಾಡುವಾಗ ಪೌರಕಾರ್ಮಿಕರು ಸಾವನ್ನಪ್ಪುತ್ತಲೇ ಇದ್ದಾರೆ. ಆದ್ರೆ ಮೋದಿ ಅವರು ಇದನ್ನು ನೋಡಿಯೂ ಕುರುಡರಂತೆ ವರ್ತಿಸುತ್ತಿದ್ದಾರೆ ಅಂತಾ ವ್ಯಂಗ್ಯವಾಡಿದ್ದಾರೆ.

ಯುಪಿಎ ಸರ್ಕಾರ ಪ್ರಾಹಿಬಿಷನ್​ ಆಫ್​ ಎಂಪ್ಲಾಯ್​ಮೆಂಟ್​ ಆ್ಯಸ್​ ಮ್ಯಾನುಯಲ್​ ಸ್ಕೇವೆಂಜರ್ಸ್​ ಌಂಡ್​ ದೇರ್​ ರಿಹೆಬಿಲಿಯೇಷನ್​ ಬಿಲ್​ 2012 ಅಡಿ ಮ್ಯಾನ್​ಹೋಲ್​ನಲ್ಲಿ ಕೆಲಸ ಮಾಡುವುದನ್ನು ನಿಷೇಧಿಸಿತ್ತು. ಆದ್ರೆ ಈ ಕಾಯ್ದೆಯನ್ನು ಪರಿಣಾಮಕಾರಿಯಾಗಿ ಜಾರಿ ಮಾಡುವಲ್ಲಿ ಎನ್​ಡಿಎ ಸರ್ಕಾರ ಸಂಪೂರ್ಣ ವಿಫಲವಾಗಿದೆ ಅಂತಾ ಕಾಂಗ್ರೆಸ್​ ಪರಿಶಿಷ್ಟ ಜಾತಿ ವಿಭಾಗದ ಅಧ್ಯಕ್ಷ ನಿತಿನ್​ ರಾವತ್ ದೂರಿದ್ದಾರೆ. ಯುಪಿಎ ಸರ್ಕಾರ ಜಾರಿ ಮಾಡಿದ್ದ ಕಾಯಿದೆಗೆ ಬೆಂಬಲ ನೀಡದಿರೋದು ಕೂಡ ಇಂತಹ ಘಟನೆಗಳು ಮರುಕಳಿಸುತ್ತಿರೋದಕ್ಕೆ ಕಾರಣವಾಗಿದೆ. ಮ್ಯಾನ್​ಹೋಲ್​ಗಳಲ್ಲಿ ಮೃತಪಟ್ಟ ವ್ಯಕ್ತಿಯ ಕುಟುಂಬದ ಸದಸ್ಯರೋರ್ವರಿಗೆ ಸರ್ಕಾರಿ ಕೆಲಸ, 50ಲಕ್ಷ ರೂಪಾಯಿ ಪರಿಹಾರ, ರೋಗಕ್ಕೆ ತುತ್ತಾದವರಿಗೆ 25 ಲಕ್ಷ ರೂಪಾಯಿ ನೀಡಬೇಕು ಅಂತಾ ಒತ್ತಾಯಿಸಿದ್ದಾರೆ.