ಕಾರ್​ಗೆ ಪ್ರವಾಸಿ ವಾಹನ ಡಿಕ್ಕಿ, ಕೇಸ್​ ದಾಖಲಿಸದಂತೆ ಡಿಸಿ ಆದೇಶ..!

ಚಿಕ್ಕಮಗಳೂರು: ಅಧೀನ ಅಧಿಕಾರಿಗಳೊಂದಿಗೆ ದತ್ತ ಪೀಠಕ್ಕೆ ತೆರಳುತ್ತಿದ್ದ ಜಿಲ್ಲಾಧಿಕಾರಿಗಳ ಕಾರ್​ಗೆ ಪ್ರವಾಸಿ ವಾಹನವೊಂದು ಡಿಕ್ಕಿ ಹೊಡೆದಿದೆ. ಚಿಕ್ಕಮಗಳೂರು ತಾಲೂಕಿನ ದತ್ತಪೀಠ ರಸ್ತೆಯ ಹಾಗಲ್​ಖಾನ್ ಬಳಿ ಘಟನೆ ನಡೆದಿದೆ.ಜಿಲ್ಲಾಧಿಕಾರಿ ಶ್ರೀರಂಗಯ್ಯ ಸಂಚರಿಸುತ್ತಿದ್ದ ಕಾರ್​ನ ಹಿಂಬದಿಯ ಬಂಪರ್​ಗೆ, ಹಾಸನ ಮೂಲದ ಪೊರ್ಡ್ ಐಕಾನ್ ಕಾರ್​ ಡಿಕ್ಕಿ ಹೊಡೆದಿದೆ. ಘಟನೆಯಲ್ಲಿ ಜಿಲ್ಲಾಧಿಕಾರಿಗಳ ಕಾರ್​ನ ಬಂಪರ್ ​ಹಾಗೂ ಇಂಡಿಕೇಟರ್​ಗಳು ಜಖಂಗೊಂಡಿವೆ. ಅದೃಷ್ಟವಶಾತ್ ಜಿಲ್ಲಾಧಿಕಾರಿಗಳು ಅಪಾಯದಿಂದ‌ ಪಾರಾಗಿದ್ದಾರೆ. ಹಾಸನ ಮೂಲದ ಯುವಕರು ಸಂಚರಿಸುತ್ತಿದ್ದ KA 04 Z 0560 ನಂಬರ್​ನ ಕಾರ್​ ಹಾಗೂ ಯುವಕರ ಮೇಲೆ ಜಿಲ್ಲಾಧಿಕಾರಿಗಳು ಯಾವುದೇ ಕಾನೂನು ಕ್ರಮ ಜರುಗಿಸದಂತೆ ಸೂಚಿಸಿದ್ದಾರೆ.