ರಫೇಲ್‌ ಡೀಲ್‌, ನೋಟ್‌ಬ್ಯಾನ್‌ ಮಾಡಿದ್ದು ಕ್ರೈಮ್‌-ರಾಗಾ

ದೆಹಲಿ: ರಫೇಲ್ ಡೀಲ್ ವಿಚಾರವಾಗಿ ಕೇಂದ್ರ ಸರ್ಕಾರದ ವಿರುದ್ಧ ಎಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿ ಮತ್ತೆ ಗುಡುಗಿದ್ದಾರೆ. ರಫೇಲ್ ಒಪ್ಪಂದ ಹಾಗೂ ನೋಟು ಅಮಾನ್ಯೀಕರಣ ಎರಡು, ಭಾರತ ವಿರುದ್ಧ ನಡೆಸಿದ ಅಪರಾಧ ಹಾಗೂ ಹಗರಣ. ಈ ಪ್ರಕರಣಗಳ ಅಪರಾಧಿಗಳಿಗೆ ಮುಂದೆ ತಕ್ಕ ಶಿಕ್ಷೆಯಾಗುತ್ತೆ ಅಂತ ರಾಹುಲ್ ಹೇಳಿದ್ದಾರೆ. ಇನ್ನು ಈ ಬಗ್ಗೆ ಟ್ವೀಟ್ ಮಾಡಿರುವ ರಾಹುಲ್ ಗಾಂಧಿ. ಮಾಜಿ ರಕ್ಷಣಾ ಸಚಿವ ಮನೋಹರ್ ಪರಿಕ್ಕರ್ ರಫೇಲ್​ನಿಂದ ತಪ್ಪಿಸಿಕೊಳ್ಳಲು ಒಪ್ಪಂದದಿಂದ ಅಂತರ ಕಾಯ್ದುಕೊಂಡರು. ಈಗ ಕೇಂದ್ರದ ಮಾಜಿ ಆರ್ಥಿಕ ಸಲಹೆಗಾರ ಅರವಿಂದ್ ಸುಬ್ರಮಣಿಯನ್ ಕೂಡ ನೋಟ್​ ಬ್ಯಾನ್ ವಿಷಯದಲ್ಲಿ ಅದೇ ಹಾದಿಯಲ್ಲಿದ್ದಾರೆ. ನೋಟ್​ಬ್ಯಾನ್​ ಬಗ್ಗೆ ವಿರೋಧ ಹೊಂದಿದ್ದ ಸುಬ್ರಮಣಿಯನ್ ಯಾಕೆ ರಾಜೀನಾಮೆ ನೀಡಲಿಲ್ಲ ಅನ್ನೋದು ನನಗೆ ಈಗಲೂ ಆಶ್ಚರ್ಯವೆನಿಸುತ್ತಿದೆ. ಡೋಂಟ್‌ ವರಿ ಇಂಡಿಯಾ, ಈ ಅಪರಾಧಿಗಳ ಬಗ್ಗೆ ತನಿಖೆ ನಡೆಸಿ ಶಿಕ್ಷೆ ನೀಡಲಾಗುತ್ತೆ ಅಂತ ರಾಹುಲ್ ಗಾಂಧಿ ಟ್ವೀಟ್ ಮಾಡಿದ್ದಾರೆ.