ಸುರಭಿ ಟ್ರೇಡರ್ಸ್ ಮಾಲಿಕರಿಂದ ದೋಖ

ಸುರಭಿ ಟ್ರೇಡರ್ಸ್ ಮಾಲಿಕರಾದ ಫಹೀದ್ ನಚ್ಚಿಕದನ ಮತ್ತು ಇಲಿಯಾಸ್ ನಚ್ಚಿಕದನ ಎಂಬುವವರು ನನ್ನ ಪತಿಗೆ ಹಣ ದ್ವಿಗುಣಗೊಳಿಸುವ ಆಸೆ ತೋರಿಸಿ ಸುಮಾರು 80 . 78 ಲಕ್ಷ ರೂಗಳನ್ನು ತೊಡಗಿಸಿಕೊಂಡು ಹಣ ವಾಪಸ್ ಕೊಡದೆ ಮೋಸ ಮಾಡಿದ್ದಾರೆ ಎಂದು ಲಕ್ಷಿ ದ್ಯಾಮಣ್ಣ ಮೇಟಿ ಆರೋಪಿಸಿದ್ದಾರೆ.
ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರುಹಣವನ್ನು ನನ್ನ ಗಂಡ ತಮ್ಮ ಸ್ನೇಹಿತರ ಮತ್ತು ಸಂಬಂಧಿಗಳ ಜೊತೆಗೂಡಿ ಇಟ್ಟಿದ್ದು . ಈ ವಿಷಯವಾಗಿ ಕಲಘಟಗಿ ಪೊಲೀಸ್ ಠಾಣೆಯಲ್ಲಿ ದಿನಾಂಕ 27 . 08 . 2017 ರಂದು ದೂರು ದಾಖಲಿಸಿದ್ದು , ಮುಂದಿ ಈ ಪ್ರಕರಣಕ್ಕೆ ಧಾರವಾಡ ಜಿಲ್ಲಾ ಆರ್ಥಿಕ ವಿಭಾಗಕ್ಕೆ ವರ್ಗಾವಣೆಗೊಂಡ ನಂತರ ಈ ವಿಷಯವಾಗಿ ಯಾವುದೇ ಕ್ರಮ ಕೈಗೊಂಡಿರುವುದಿಲ್ಲ ಹಾಗು ಸಾಕಷ್ಟು ಬಾರಿ ಎಸ್ . ಪಿ . ಯವರಿಗೆ ಖುದ್ದು ಭೇಟಿ ನೀಡಿದರೂ ಪ್ರಕರಣ ಕುರಿತು ಎಳ್ಳಷ್ಟೂ ಕಾಳಜಿ ವಹಿಸಿಲ್ಲ ಇದರಿಂದಾಗಿ ನನ್ನ ಪತಿ ಹತಾಶೆಗೊಂಡು . ಅವರ ಪರಿಚಯದೊಂದಿಗೆ ಬಂಡವಾಳ ಹಾಕಿದವರು ಇವರ ಮೇಲೆ ಚೆಕ್ ಬೌನ್ಸ್ ಪ್ರಕರಣ ದಾಖಲಿಸಿದ್ದು ಈ ವಿಷಯವಾಗಿ ನನ್ನ ಪತಿಗೆ ಅನು ಮಾಡಬೇಕೆಂದು ತಿಳಿಯದೆ 30 . 03 . 2019 ರಂದು ಡೆತ್ ನೋಟ್ ಬರೆದಿಟ್ಟು ಹೋಗಿದ್ದಾರೆ. ಈ ಪ್ರಕಹರಣದಲ್ಲಿ ನನ್ನ ಗಂಡನ ವಿರುದ್ದವಾಗಿ ಅನೇಕ ಘಟನೆಗಳು ನಡೆದವು . ಎನ್ . ಬಿ . ಡಬ್ಬು ನೆಪ ಮಾಡಿಕೊಂಡು ಮಸ್ಕಿ ಪೊಲೀಸ್ ಠಾಣೆಯಲ್ಲಿ ಅವರಿಗೆ ದೈಹಿಕ ಮಾನಸಿಕ ಕಿರುಕುಳ ಕೊಟ್ಟಿದಕ್ಕಾಗಿ ನನ್ನ ಗಂಡ ಬೇರೆ ದಾರಿ ಕಾಣದಂತಾಗಿ ಈ ರೀತಿ ಮನೆಬಿಟ್ಟು ಹೋಗಿರುತ್ತಾರೆ . ಈ ಘಟನೆ ನಡೆದ ಬಳಿಕ ಮಾನಸಿಕ ಖಿನ್ನತೆಗೆ ಒಳಗಾದ ಅವರು ಶಾಲೆಗೂ ಹೋಗದೆ ರಜೆ ಹಾಕಿ ಸುಮಾರು ಒಂದು ತಿಂಗಳು ಮನೆಯಲ್ಲಿಯೇ ಉಳಿದರು . ಮಾರ್ಚ 30 ಕ್ಕೆ ಪತ್ರ ಬರೆದಿಟ್ಟು ಹೋದವರು ಇಲ್ಲಿಯವರೆಗೂ ಮನೆಗೆ ಬಂದಿಲ್ಲ . ಈ ಸಂಬಂಧವಾಗಿ ನಾನು ಯಾದಗಿರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿರುತ್ತೇನೆ , ಈ ಎಲ್ಲಾ ಘಟನೆಗೆ ಮೂಲ ಕಾರಣ ಫಹೀದ್ ನಚ್ಚಿಕದನ್ ಮತ್ತು ಅವನ ಸೋದರ ಇಲಿಯಾಸ್ ನಚ್ಚಿಕದನ . ಇದಕ್ಕೆ ಸಂಬಂಧ ಪಟ್ಟ ಅಧಿಕಾರಿಗಳು ಆದಷ್ಟು ಬೇಗ ಅವರನ್ನು ಬಂದಿಸಬೇಕು . ಅವರ ಆಸ್ತಿ ಮುಟ್ಟುಗೋಲು ಹಾಕಿ . ನಮಗೆ ಬರಬೇಕಾದ 80 . 78 ಲಕ್ಷ ರೂ . ಗಳನ್ನು ನಮಗೆ ಕೊಡಿಸಬೇಕು . ಎಲ್ಲಕ್ಕಿಂತ ಮುಖ್ಯವಾಗಿ ನಮ್ಮ ಮನೆಯವರು ಸುರಕ್ಷಿತವಾಗಿ ಮನೆಗೆ ವಾಪಸ್ ಬರಬೇಕು ಎಂದು ಕಣ್ಣೀರು ಹಾಕಿದರು