ಫೇಸ್‌ಬುಕ್ ನಲ್ಲಿ ಜಾಹೀರಾತು ವೀಕ್ಷಿಸಿ ಮೋಸಕ್ಕೆ ಒಳಗಾದ ಹುಬ್ಬಳ್ಳಿ ಯುವಕ

ಹುಬ್ಬಳ್ಳಿ: ಫೇಸ್‌ಬುಕ್ ನಲ್ಲಿ ಜಾಹೀರಾತು ವೀಕ್ಷಿಸಿದ ಘಂಟಿಕೇರಿ ಶೀಲವಂತರ ಓಣಿಯ ವಿನೋದ ಜರತಾರಘರ ಎಂಬುವವರು ವಸ್ತುವನ್ನು ಖರೀದಿಸಲು ಮುಂದಾದಾಗ ಅಪರಿಚಿತ ವ್ಯಕ್ತಿ ಓರ್ವ 40 , 500 ರೂ . ವಂಚಿಸಿದ ಪ್ರಕರಣ ಸೈಬರ್ ಠಾಣೆಯಲ್ಲಿ ದಾಖಲಾಗಿದೆ .

ಫೇಸ್‌ಬುಕ್ ನಲ್ಲಿ ರಬ್ಬರ್ ಬ್ಯಾಂಡ್ ಜಾಹೀರಾತು ನೋಡಿ ಕಮೆಂಟ್‌ನಲ್ಲಿದ್ದ ನಂಬರ್ ಕರೆ ಮಾಡಿದ್ದಾರೆ . ಕರೆ ಸ್ವೀಕರಿಸಿದ ವ್ಯಕ್ತಿ ಓರ್ವ ಮಾತನಾಡಿ ತನ್ನ ಖಾತೆಗೆ ವಿನೋದ ಅವರಿಂದ ಹಣ ವರ್ಗಾಯಿಸಿಕೊಂಡಿದ್ದಾನೆ . ನಂತರ ರಬರ್ ಬ್ಯಾಂಡ್‌ಗಳನ್ನು ನೀಡದೆ ಮೋಸ ಮಾಡಿದ್ದಾರೆ ಎಂದು ದೂರಿನಲ್ಲಿ ಉಲ್ಲೇಖಿಸಲಾಗಿದೆ .