ಕೇಂದ್ರ ಸರ್ಕಾರಿ ನೌಕರರಿಗೆ ಮುಂದಿನ ವರ್ಷ ಗುಡ್‌ ನ್ಯೂಸ್‌

ನವದೆಹಲಿ: 18 ತಿಂಗಳ ಬಾಕಿ ಇರುವ ತುಟ್ಟಿಭತ್ಯೆ (ಡಿಎ) ಬಾಕಿ ಪಾವತಿ, ಫಿಟ್‌ಮೆಂಟ್ ಅಂಶದಲ್ಲಿ ಹೆಚ್ಚಳ ಮತ್ತು ಮತ್ತೊಂದು ಸುತ್ತಿನ ಡಿಎ ಹೆಚ್ಚಳದ ಅಧಿಕೃತ ದೃಢೀಕರಣಕ್ಕಾಗಿ ಕಾಯುತ್ತಿರುವ ಕೇಂದ್ರ ಸರ್ಕಾರಿ ನೌಕರರಿಗೆ ಮುಂದಿನ ವರ್ಷ ಗುಡ್‌ ನ್ಯೂಸ್‌ ಸಿಗುವ ಸಾಧ್ಯತೆ ಇದೆ.

7 ನೇ ವೇತನ ಆಯೋಗದ ಜಾರಿಗೆ ಕಾಯುತ್ತಿರುವವರಿಗೆ ಈಗ ಗುಡ್‌ನ್ಯೂಸ್‌ ಸಿಗಲಿದೆ.  ಜನವರಿ 2020 ರಿಂದ ಜೂನ್ 2021 ರವರೆಗಿನ 18 ತಿಂಗಳ ಡಿಎ ಬಾಕಿ ಪಾವತಿಗೆ ಸಂಬಂಧಿಸಿದ ವಿಷಯವು ಸಚಿವ ಸಂಪುಟದಲ್ಲಿ ದೀರ್ಘ ಕಾಲ ಚರ್ಚೆಗೆ ಬಾಕಿ ಉಳಿದಿದೆ.

ಈಗ ಸಿಕ್ಕಿರುವ ವರದಿಯ ಪ್ರಕಾರ, ನೌಕರರ ಡಿಎ ಬಾಕಿಯು ರೂ. 11,880 ರಿಂದ ರೂ. 37,554 ರ ನಡುವೆ ಹೆಚ್ಚಳ ಆಗಬಹುದು.ಲೆವೆಲ್-13 ಅಥವಾ ಲೆವೆಲ್-14ಕ್ಕೆ, ಉದ್ಯೋಗಿಗಳ ಬಾಕಿಯು ರೂ. 1,44,200 ರಿಂದ ರೂ. 2,15,900 ರಷ್ಟು ಹೆಚ್ಚಳ ಆಗಬಹುದು. ಆದಾಗ್ಯೂ, ಸರ್ಕಾರದೊಂದಿಗಿನ ಮುಂದಿನ ಮಾತುಕತೆಗಳ ನಂತರ, ಈ ಅಂಕಿಅಂಶಗಳು ಬದಲಾಗಬಹುದು ಎನ್ನಲಾಗಿದೆ.