ಮೀನು ಹಿಡಿಯಲು ಹೋಗಿ ಶವವಾದ ಬಾಲಕ

ಬೆಳಗಾವಿ; ದೂಧಗಂಗಾ ನದಿಗೆ ಮೀನು ಹಿಡಿಯಲು ಹೋದ ಬಾಲಕ ಸಂಗ್ರಾಮ ಪವಾರ (೧೪) ನೀರಲ್ಲಿ ಮುಳುಗಿ ಸಾವನ್ನಪ್ಪಿದ್ದಾನೆ. ಮೃತ ಸಂಗ್ರಾಮ ಪವಾರ ಚಿಕ್ಕೋಡಿ ತಾಲೂಕಿನ ಚಾಂದಶಿರದವಾಡ ಗ್ರಾಮದವನು. ದೂಧಗಂಗಾ ಮಳೆಯಿಂದಾಗಿ ಪ್ರವಾಹದಿಂದ ಉಕ್ಕಿ ಹರಿಯುತ್ತಿದ್ದ ಹಿನ್ನೆಲೆಯಲ್ಲಿ ಘಟನೆ ಸಂಭವಿಸಿದೆ. ಅಗ್ನಿಶಾಮಕ ದಳದ ಸಿಬ್ಬಂದಿ ಕಾರ್ಯಾಚರಣೆ ನಡೆಸಿ ಬಾಲಕನ ಶವ ಪತ್ತೆ ಮಾಡಿದ್ದಾರೆ. ಸದಲಗಾ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.