‌ಯೋಧ ಮರಣ : ಸಕಲ ಸರ್ಕಾರಿ ಗೌರವದಿಂದ ಅಂತ್ಯಕ್ರಿಯೆ

ಕಲಘಟಗಿ : ಗುಜರಾತ ರಾಜ್ಯದ ಗಾಂಧಿನಗರದಲ್ಲಿ ಸೇನೆಯಲ್ಲಿ ಹವಾ ಲ್ದಾರ ಆಗಿ ಕಾರ್ಯನಿರ್ವಹಿಸುತ್ತಿದ್ದ ಸಂದರ್ಭದಲ್ಲಿ ಅನಾರೋಗ್ಯದಿಂದ ಮೃತಪಟ್ಟ ಕಲಘಟಗಿ ತಾಲೂಕಿನ ಬೇಗೂರ ಗ್ರಾಮದ ಮಹಾದೇವಪ್ಪ ಷಣ್ಮುಖಪ್ಪಮುತ್ತಗಿ ( 45 ) ಅವರ ಅಂತ್ಯಕ್ರಿಯೆ ಗೌರವದೊಂದಿಗೆ ನಡೆಯಿತು .

ಮುತ್ತಗಿ ಅವರ ಪಾರ್ಥಿವ ಶರೀರ ಸ್ವಗ್ರಾಮಕ್ಕೆ ಆಗಮಿಸುತ್ತಿದ್ದಂತೆಯೇ ಗ್ರಾಮಸ್ಥರು , ಅವರು ಕುಟುಂಬದವರು ಗೌರವ ಪೂರ್ವಕವಾಗಿ ಬರಮಾಡಿಕೊಂಡು ಅಂತ್ಯಕ್ರಿಯೆ ನೆರವೇರಿಸಿದರು . ಈ ಸಂದರ್ಭದಲ್ಲಿ ಶಾಸಕ ಸಿ.ಎಂ. ನಿಂಬಣ್ಣವರ , ಮಾಜಿ ಸಚಿವ ಸಂತೋಷ ಲಾಡ್ ಸಹಿತ ಗ್ರಾಪಂ ಅಧ್ಯಕ್ಷರು ಮತ್ತು ಸದಸ್ಯರು ಪಾಲ್ಗೊಂಡಿದ್ದರು .